الحب الحقيقي والتحكم في المشاعر

(درس عن الشباب)

كتير بنسأل نفسنا: هو الحب حرام ولا حلال؟
وإزاي نفرق بين الحب الحقيقي وبين المشاعر اللي ممكن تدمرنا؟ جمعنالكم أهم النقط اللي هتغير نظرتكم للعلاقات:

+ الحب في حد ذاته مش غلط:
العاطفة دي حاجة مقدسة ربنا خلقها جوانا عشان نقدر نحب ونعيش، ومش ممكن تكون عيب أو غلط. لكن لازم نفهم إن طريقة التعبير عن العاطفة بتختلف من شخص للتاني، وبتكون متأججة ومختلفة جداً في مرحلة المراهقة والشباب.

احذر "موتور من غير فرامل":
العاطفة في بدايتها بتكون قوية جداً وعاملة زي موتور عربية قوي، بس المشكلة إنها من غير "فرامل" أو "دركسيون"، ولو متعملش عليها كنترول صح ممكن تقلب بحادثة وتتحول لشهوات مدمرة.

+فخ "حب الشهوة":
النوع ده من الحب بيبدأ برغبة وشهوة مريضة، وغالباً بيشجعه أصدقاء السوء والمشورات الغلط. الكارثة في الحب الشهواني إنه بمجرد ما بيحقق غرضه، بيتحول لكراهية وبغضة شديدة جداً، وبيخلي الطرف التاني يفقد قيمته تماماً، زي ما حصل في قصة أمنون وثامار.

+نهايات مؤلمة:
الانسياق وراء الشهوة واختيار شريك الحياة بناءً على الشكل فقط (زي ما شمشون اختار دليلة لأنها "حسنت في عينيه") بيؤدي دايماً لنهايات مرة، ضياع للوقت، ومشاكل بتدمر الحياة والطهـارة.

+ إزاي نفرمل مشاعرنا ونحمي نفسنا؟
ربنا خلقلنا 3 حاجات عشان نتحكم في العاطفة:
1. العقل:
هو أول "فرامل". لازم تشغل عقلك وتسأل: هل ده الوقت المناسب؟ وإزاي؟ وبكام؟ بلاش تلغي عقلك وتمشي ورا مقولة "مراية الحب عامية" وتشتري "أول فستان تقابليه" من غير تفكير.

2. الإرادة (Self-control):
متضحكش على نفسك وتقول "مش قادر أتحكم في مشاعري". إنت تقدر تحط حدود وتوقف أي نظرة أو تلامس غلط من البداية لو عندك إرادة حقيقية.

3. الروح القدس:
الإنسان اللي مليان بربنا بيقدر يقود عاطفته وغريزته، لأنه عارف إن جسده ده غالي ومقدس ومينفعش يتهان تحت مسمى الحب.

رابط خارجي ..https://drive.google

شارك الفكرة مع خدام آخرين ✨

هذه الفكرة منقولة من : عظة ابونا بولس جورج

262

** لا توجد تعليقات على هذه الفكرة..