تدريب لكل صوم

(تدريب روحي عن الصوم)

دى شوية تداريب اختار تدريب واحد بس (كل صوم تدريب)

1- صيام اللسان
صوم اللسان خير من صوم البطن..وصوم القلب احسن من الاتنين.. اضبط لسانك عن خطية معينة زي الادانة مثلا او انك تجيب سيرة حد .. اتكلم اقل و عوض ذلك بصلاة يسوع.
2- صيام العين
قلل التليفزيون .. لا تنظر في الناس سواء ادانة او شهوة..
3- صيام الاذن
ايه الاخبار اللى بتسمعها؟ اخبار الناس و الدنيا؟ اسمع كلمة ربنا احسن.. امنع نفسك عن سماع كلام غير مفيد
4- صيام البطن: إنقطع فترة عن الاكل..ممكن كل اسبوع تزود ساعة صيام انقطاعى.. قلل كمية الاكل.. امنع نفسك تاكل اكتر من احتياجك.. لا تتذمر على الاكل الصيامى
5- صوم الفكر
امنع مخك من انه يفكر فى امور بلا قيمة .. صوم من فكر القلق.. إشغل فكرك بأفكار مفيدة: اية..ترتيلة..صلاة يسوع.

6- زود درجة روحية فى حياتك:
+ زود بند الصلاة، او صلى على مهلك شوية وركز .. زود صلاة يسوع..قولها و انت فى المواصلات، اول ما تصحى من النوم.. صلي للى مش بيحبوك.
+ القداس..احضر بدري اكتر.. زود قداس كمان في الاسبوع.
+ مطانيات..شوف الخطية الكبيرة بتاعتك و اعملها مطانيات زيادة و اصرخ لربنا.
+ زود وقت الانجيل.. اصحى بدري اكتر عشان تقرا الانجيل.. ركز فى القراءة و اقرأ الانجيل بتمعن.. متنامش قبل ما تقرا الانجيل حتى لو آية.. احفظ نص السامرية..المولود اعمى..الخ.. ذاكر الموعظة على الجبل.
+ حسّن علاقتك بكل اللى حواليك زى عيلتك مثلا.. اسأل الناس اللى حواليك تعبانين منك فى ايه، و ركز انك تتغير.
+ زود الشكر: قول اشكرك يا رب كتير علي كل حاجة.. راجع اليوم كله وافتكر احسانات الله..و اشكره عليها.
+ إعلى بمستوي الرحمة..انضم لخدمات الرحمة زي زيارة مرضى مثلا.. اسأل على حد.. قول كلمة حلوة لكل شخص تقابله.. حتى لو كان تليفون تسأل على حد.
- قاوم طبعك الغضوب..الحاجات اللى بتستفزك ابلعها..
- راقب افكارك.. ربما تكون بتعمل من الحبة قبة.
- واظب على الاعتراف
- اطلع خلوة
- زود العشور
- افحص نفسك كل يوم
- اقرأ كتاب روحي او اسمع عظات

شارك الفكرة مع خدام آخرين ✨

1143

** لا توجد تعليقات على هذه الفكرة..