ازاي أستفاد من القداس ؟

(تأمل عن القداس الإلهي)

كنيستي ما أجملك
(إزاي أستفاد من القداس ؟)
1_لو مش بتقرا إنجيل ونفسك تسمع كلمة ربنا..
في القداس هتسمع الإنجيل والبولس والكاثوليكون والابركسيس والسنسكار.. هتشبع بكلمة ربنا.. بس ركز!
2_لو انت فرحان وحاسس أن ربنا اداك حاجة كتير ..
هتروح تقله فلنشكر صانع الخيرات... شكرا على كل دا الي انا مستاهلوش
3_لو معاك حد مضايق منه أو العكس..
تاخده معاك القداس، وعند قبلو بعضكم.. وتروحله تقوله سامحني..
ولو انت الي مضايق التسامح والمغفره هتلاقيها جاتلك لوحدها..
4_لو حاسس قلبك مشغول وبعيد عن ربنا..
استنى حتة اين هيا الان قلوبكم.. وقوله: خد قلبي معاك، صلحه وشيل منه كل العيوب أملاه بيك لو سمحت، وفعلا هتطلع من القداس واخد قلب جديد.
5_لو نفسك تشوف السماء..
هيوصفلك السماء ويقولك: الذي يقف حوله الملائكة ورؤساء الملائكة والشاوربيم والسرافيم وكل الطغمات السمائية هتتوصفلك وانت قاعد.
7_لو محتاج الروح القدس يشتغل جواك اكتر..
استنى لحظة حلول الروح القدس.. واطلب من ربنا يخليه يشتغل فيك ومينطفيش.
8_لو نفسك تصلي لكنيستك وعيتلك وكل الناس الي حواليك ..
استنى الاواشي واطلب إلى انت عايزه منه..
9_لو مضايق وحاسس بخنقة..
استنى حتة إملأ قلوبنا فرحا ونعيما.. وارشم على قلبك صليب صغير.. وقول له: قلبي تعبان، شيل منه كل الوجع والضيق.
10_لو نفسك في حد يتشفعلك في السماء...
يبدأ المجمع ابونا يذكر كل القديسين..قلهم بقا انت اطلبوا من ربنا عشان خاطري يسامحني وانتو كمان كلكم خليكم معانا دايما
11_لو وحشك حد قريبك مات وزعلان عليه..
استنى الترحيم وقول اسمه في سرك.. وقوله زي ما خدت فلان عندك يارب ابعتلي تعزية من عندك.. وفعلا هتحس بفرق
12_لو حاسس انك مش هتدخل السماء وقلقان..
استنى حتة اهدنا إلى ملكوتك.. قله عارف اني مستاهلش بس بطلب منك اهو تسمحلي اعيش معاك...
13_لو مش حاسس بحب ربنا استنى القسمة..
وبص عليه شوف هوا بيحصله ايه عشانك.. كل دا عشانك انت صدقني
14_لو ايمانك اتهز شوية وحاسس انه ضعف..
استنى الاعتراف أؤمن أؤمن أن هذا هوا بالحقيقة امين..
15_اجمع بقا كل الطلبات دي في قلبك واستني عند يا ملاك هذه الذبيحة..
قله استنى عشان خاطري خد الحاجات دي معاك ل ربنا
القداس حل لمشاكل كتير...
علاقة حب متتوصفش.. حاجة فوق الخيال.. تفاصيله حلوه جدا..
استمتع بالقداس حتة حتة متفوتش ولا حرف فيه..
صدقني دا اول خطوه نبدأ فيها مع ربنا . استمتع

شارك الفكرة مع خدام آخرين ✨

1688

** لا توجد تعليقات على هذه الفكرة..