الله لا ينسى المعروف اللى بتعمله

(فقرة كتابية عن المحبة)

داوود بيستأذن ربنا ان يصعد لإحدي مدن يهوذا
ربنا يقولو ، روح حبرون
يوصل داوود لحبرون و يحصل حاجة غريبة شوية!!
رجال داوود يروحوا يقولو لداوود:
خد بالك يا داوود ان رجال يابيش جلعاد الي ساكنين هنا في حبرون ،هما الي دفنو شاول لما مات !!
داوود يبعتلهم و يقولهم الاتي من صمويل التاني 2:
فارسل داود رسلا الى اهل يابيش جلعاد يقول لهم مباركون انتم من الرب اذ قد فعلتم هذا المعروف بسيدكم شاول فدفنتموه.والان ليصنع الرب معكم احسانا وحقا وانا ايضا افعل معكم هذا الخير لانكم فعلتم هذا الامر
هو انت مكبر الموضوع ليه يا داوود!؟ عادي يعني واحد مات و اتدفن!!
ثواني بس طيب!؟
هو مش شاول دا الي كان ساحل و ممرمط داوود وراه وحاول يقتلة كذا مرة!؟
مش دا شاول الي خلى داوود يهرب من مكان لمكان و شاف ايام سودا و اضطر داوود في مرة انه يعمل نفسة مجنون علشان ينجوا بنفسة و هو اساساً ممسوح ملك من ربنا!!؟
اه هو بعينه
عايز اقولك ان اي معروف بتعمله دلوقتي مش هيتنسي
لا ينسي من الرب
ولا ينسي من رجال الرب
داوود بيقول لرجال يابيش جلعاد: يصنع معكم الرب احسانا وحقا ( و انا ايضا) افعل معكم هذا الخير?
انا عارف انك عملت و عملتي معروف كتير مع ناس كتير و كنت مستني شوية تقدير حتى لكن محدش قدر تعبك
عايز اقولك ان الرب كمان يقولك زي ما داوود قال لرجال يابيش جلعاد كدة بالظبط ، و يصنع معك الرب احسانا ايضاً??
حتي لو كان مجرد دفن ملك، كان لوقت كبير جدا خارج مشيئة الله و الرب ازال عنه المُلك
يكرم الرب مردخاي بدون ما يطلب!
ازاي؟
ياتون باللباس السلطاني الذي يلبسه الملك و بالفرس الذي يركبه الملك و بتاج الملك الذي يوضع على راسه
و ينادون قدامه: هكذا يُصنع بالرجل الذي يسر الملك بان يكرمه
يكرمك الرب كما لمردخاي و كإكرام الرب و داوود لرجال ليابيش جلعاد?
صدقني هيكرمك كرم متحلمش بيه??

شارك الفكرة مع خدام آخرين ✨

431

** لا توجد تعليقات على هذه الفكرة..