الكاهن المتهم .. مات !

(قصة عن الإدانة)

منشور عام لايقصد به كاهن بعينه او رعية بعينها .
(الكاهن القبطي ) الله ينيح نفسه.
خرج من منزله كاهن القرية الجميلة فى مكان ما بصعيد البلاد . قاصدا كنيسته. صلى قداسه حريصا على هدوء واعتدال الصلاة ومخارج الالفاظ وعدم اهمال اللغة القبطية . قدم عظة القداس فى حدود الوقت المتاح . اكمل قداسه واشترك الجميع فى الوليمة المقدسة . وبعد البركة الرسولية وتوزيع الالوجية انصرف الشعب وبقى فقط الكاهن ومن يريده من المعترفين واصحاب المشاكل والاحتياجات . وفى رحلته من باب الكنيسة الى الهيكل لتبديل ملابس الخدمة. اوقف سيره مرات كثيرة مستمعا لاحتياجات البعض وطلبات البعض الاخر . دخل مكتبه مستقبلا معترفين كثر . واحد تلو الاخر . وفي حرصة على وقت المنتظرين خارجا. جاهد ان يحصر المعترف فقط فى الاعتراف وعدم التطرق لاحاديث ليس وقتها خاصة السيدات. تناول افطاره وذهب مصطحبا خدام المرضى لزيارة مرضى وتحديد موعد للمناولة بالمنزل. انهى زيارة المرضى واستقل سيارته متاخرا على موعد بالمطرانية لمناقشة بعض الامور . عاد الى منزله بعد الرابعة لتناول الغذاء وفاصل للراحة .. ليعود الى الكنيسة ليفرح باولاده فى اكليل او خطوبة .. ثم متابعة الاجتماع المسائى لدرس الكتاب .. ثم زيارة خاصة لاسرة او لخدمة معينة او حل مشكلة او انهاء خصومة. ولما قاربت العاشرة مساء عاد الى منزله ليجلس مع اسرة تنتظره طول النهار .
اثناء اليوم .
قال من حضر مبكرا : المفروض نيجي نلاقيه مش يجي بعدينا . دا ناموسيته كحلي.
قال محبى اللغة القبطية . الله يسامحه ضيع القبطي معظم القداس بالعربي؟ هو اصلا ميعرفش قبطي .
قال محبى العربية . يعنى هو لازم يورينا انه عارف قبطى . فهمنا ايه احنا ؟
قال بعض الشعب . هو بيجرى ليه وراه ايه؟
قال البعض الاخر . ايه البطء دا؟
والبعض قال . هى دي عظة قداس ربع ساعة ؟
واخرين قالوا . دا احنا نمنا ؟
اثناء التناول قال البعض . معقول كل دول يستحقوا التناول دا خلاها سايبة.
وقال اخرون . ايه التعصب دا هو ماله مستعد ولا مش مستعد هو اللى هيحاسبنا؟
هنعدى على اللى بيتقال بعد رش المياه وتوزيع البركة .
قال من قابله قبل تبديل ملابس الخدمة . هو مستعجل ليه. ما احنا لو زى الناس كان كلمنا وقعد معانا .
قال المعترفون . هو مستعجل ليه المفروض يسمعنا هي دى ابوة .
قال المنتظرون . مش يعمل حسابه اننا مروحناش بعد القداس ؟
قال بعض المرضى . لسة فاكر يزورنا ؟
قال جيرانهم . راح بيت فلان ومجاش عندنا . ما هو ليه ناس ناس .
قال من ذهب الى الكنيسة ولم يجده . بسرعة جري على بيته . هو موظف ؟
قال موظف المطرانية . المفروض يحترم المواعيد
قال حضور الاكليل . اشمعنا دول بيصلى اكليلهم بالراحة ؟
قال اطراف المشكلة . هو جاي مع الطرف الثانى
قال اولاده . مش هتفضالنا شوية يا بابا .
فى المساء قرا على احد صفحات اولاده هذه العبارة
كثيرون كهنة . قليلون اباء .
كان اب . كان بيحبنا . كان بيخدمنا . علمنا كتير . مقصرش مع حد ..... كل الكلام دا . هيتقال ... لكن بعد جملة
الله ينيح نفسه .

شارك الفكرة مع خدام آخرين ✨

615

** لا توجد تعليقات على هذه الفكرة..