العاب القبقاب - البلكونة - الشعانين - شد الحبل

(ألعاب حركية)

دي أربع ألعاب لحفلات السمر والرحلات ..

1. لعبة القبقاب
اول لعبه حتكون بين فريقين (وللعبه 4 افراد بس من كل فريق) وحتكون مسابقه جري بس بدل الجزم خشب!!؟
1)حنجيب 4 الواح خشب لكل فريق لوحين
2)كل فريق حيقفوا علي اللوحين برجليهم الاتنين ويربطوا كلهم الرجل الشمال في لوح والرجل اليمين في اللوح التاني
3)نحدد مسافه و لازم الفريق يعرفوا يمشوا بنفس الخطوه عشان ميقعوش
4)الفريق اللي هايعرفوا يوصلوا لخط النهايه ورجليهم مربوطه في الالواح هو اللي هيكسب

2. لعبة البلكونة وعصر الغسيل
اللعبه التانيه حتكون برضه بين فريقين (وللعبه 3 افراد بس من كل فريق) واللعبه بوقت محدد
1)من كل فريق واحد حيكون واقف في بلكونه او على كرسى عالى و2 واقفين تحت البلكونه
2)اللي واقف فوق حيكون جنبه جردل مليان ميه ومعاه قماشه والاتنين اللي تحت حيكون معاهم كوبايتين ماسكنها في ايديهم
3)اللي فوق حيحط القماشه في الميه ويعصرها علي اللي تحت بحيث ان الميه تنزل في الكوبايتين اللي ماسكنها الاتنين اللي تحت
4)لما تتملي الكوبايه ميه اللي في ايد اللي واقفين تحت يروحوا يكبوها في زجاجه والفريق اللي يملي زجاجته اكتر في نهايه الوقت هو اللي هيكسب

3.لعبة الشعانين - في الطريق فرشوا القمصان
اللعبه التالته حتكون برضه بين فريقين (اللعبه للفريق كله) و اللعبه لازم تكون في مسافه طويله وحتتلعب بوقت محدد
1)الفريق كله اي حاجه حتكون معاه (هدوم او احزمه او كوتشينه او جزم او شنط او شرابات.....الخ) حيفرشوها علي الارض
2)الفريق اللي حيحط كل حاجه معاه ويعمل اطول مسافه من الحاجات اللي بيفرشها علي الارض لغايه لما الوقت يخلص هو اللي هيكسب

4. لعبة شد الحبل
الأدوات : حبل طوله حوالي 10 متر
طريقة اللعب : يقف فريقين من الأطفال أمام بعضهم ويبدأون في شد الحبل والفريق الذي يصل إلي خط المنتصف هو الخاسر.

شارك الفكرة مع خدام آخرين ✨

1377

** لا توجد تعليقات على هذه الفكرة..