عيد الرجاء والتغيير

(تأمل عن صوم الرسل)

المسيح اتقابل مع سمعان .
سمعان دا كان متسرع ...مندفع ...متقلب...وطباعه غريبة ...وصعب التعامل معاه
ووسط كل الحاجات دي ...ووسط ما الكل شايفه كدة ..
المسيح شافه بطريقة تاني و قاله انت بطرس (صخرة) ...انت هتصمد وتتظبط وتبقي عظيم .

والمسيح راح لشاول .
شاول دا كان الناس شايفينه قتال قتلة ... جبار ... قلبه ميت ... المهم عنده انه يذبح ويحبس ويقتل ....هدفه صعب وتفكيره رهيييب.
ووسط كل الافكار دي ...ووسط ما الكل شايفه كدة .
المسيح شافه بطريقة تاني ، شاف غيرته على ايمانه ، و قاله انت بولس ..انت حبيبي ...اناء مختار ..
وصلح له اتجاهه للاتجاه الصح .

انا بحب عيد الرسل جدا بكل تفاصيله لأن عيد الرسل هو عيد الرجاء .

الناس شايفني بطريقتهم ...بس يسوع حبيبي شايفني بعيون تاني.
"وَيَدْعُو الأَشْيَاءَ غَيْرَ الْمَوْجُودَةِ كَأَنَّهَا مَوْجُودَةٌ. " رو4
هو شايف مميزات فيا ..حتي لو مش ظاهرة دلوقتي هعرفها بعدين .....
عندي رجاء انه ساندني ... زي ما سند اللي قبلي .
هو شاف في داؤد الضعيف انه ملك .
شاف اسرائيل في يعقوب اللئيم.
وبولس في شاول .
وبطرس في سمعان .

بس المهم تكون فيه محبة ربنا في قلبي ، حتى لو صفاتى وطباعى صعبة.. هو قادر يغيرها..

عيد الرسل ...عيد التغيير ...عيد بيقولك انه بيحبك بصفتك وطريقتك...

واطمن هيشتغل بيك .

#عيد_الرسل
#بطرس_بولس

موضوعات مرتبطة بالفكرة :
#الرجاء #محبة الله لنا

شارك الفكرة مع خدام آخرين ✨

946

** لا توجد تعليقات على هذه الفكرة..