إضافة للمفضلة (للأعضاء) استخدام الفكرة (للأعضاء) إبلاغ عن مخالفة (للأعضاء)

ماركو برسوم
2022-12-01

مديون لكم

(قصة عن المحبة)

قصة حقيقية رواها ابونا داود لمعى

يروى ابونا ويقول ان الكنيسة كانت مقدمة طلب لمسئول كبير فى الدولة وكانوا خايفين من الشخص دة لأ‌نة مسئول كبير ... ولكنهم فوجئوا بترحاب شديد جدا وقبول سريع جدا للطلب بتاع الكنيسة فاستغربوا وقالوا له يا باشا احنا مكناش متوقعين كدة خالص ؟ قال لهم انتوا ما تعرفوش السر !!! انا من 40 سنة فى حرب 1973 اتجرحت وكنت بنزف وكان المفروض اموت والعسكرى اللى كان معايا كان انسان مسيحى حقيقى امين شالنى 3 ساعات علشان يودينى لأ‌قرب مكان علشان يسعفونى وكنت بقولة ارمينى خلا‌ص فى اى مكان انا خلا‌ص بموت ولكنة كان مُصر انة يوصلنى وهو اللى انقذ حياتى وعلشان كدة انا مديون لكم .
المحبة لا‌ تسقط ابدا . ( 1كو 13 : 8 )

شارك الفكرة مع خدام آخرين ✨