البوربوينت
الفيديو
القصص
الفقرات الكتابية
أقوال الآباء
الاسكتشات
وسائل الإيضاح
الدروس
فادي عريان كامل قلدس
2025-07-17
التدخين
(درس عن الشباب)
وعلي الناس اللي بتقول ان التدخين مش مذكور
انتوا في الحقيقة انتوا صح وفي نفس الوقت غلط
12 «كُلُّ الأَشْيَاءِ تَحِلُّ لِي»، لكِنْ لَيْسَ كُلُّ الأَشْيَاءِ تُوافِقُ. «كُلُّ الأَشْيَاءِ تَحِلُّ لِي»، لكِنْ لاَ يَتَسَلَّطُ عَلَيَّ شَيْءٌ. الرسالة الأولى إلى كورنثوس12:6
الكتاب هنا مذكرش التدخين بعينه بس ذكر الخطية معلمنا بولس الرسول بيتكلم عن الحرية وان الانسان حر بس لازم يكون بيعمل الصح ويكون مفيش حاجة مسيطرة عليه زي التدخين او اي أدمان تاني
«كُلُّ الأَشْيَاءِ تَحِلُّ لِي»، لكِنْ لَيْسَ كُلُّ الأَشْيَاءِ تُوَافِقُ. «كُلُّ الأَشْيَاءِ تَحِلُّ لِي»، وَلكِنْ لَيْسَ كُلُّ الأَشْيَاءِ تَبْنِي. الرسالة الأولى إلى كورنثوس23:10
معلمنا بولس الرسول بيتكلم عن نفس فكرة الحرية ان كل حاجة ممكن الانسان يعملها بس لازم تكون صح وتبني (تفيده )
أسباب التدخين
من وجهة نظر المدخن أنه هيبقي راجل
ازاي الرجولة انك تشرب حاجة بضرك ؟!!!!!!
والرجولة عمرها ما كانت بالشرب او الاكل
الرجولة مواقف مش اكل وشرب ولاحتي بتعمل حاجة
بضرك
(لو حد قالك خليك راجل واشرب قوله سيبتلك الرجولة)
من كلام انكل قاصد فخري
لو حد قالك جرب ومش هتخسر حاجة
قوله هخسر تلات حاجات وهاخد خطية وهبقي مدمن واهلي هيكرهوني او هيبعدوا عنك
الحاجات اللي هتخسرها (صحة -فلوس - صحاب )
هتقولي ازاي هخسر صحابي هقولك الصحاب الكويسيين
هيبعدوا عنك والصحاب المش كويسيين هيقربوا منك وهيخلوك تشرب زيهم واكتر كمان
بعمل زي الناس ما بتعمل
خليك عندك شخصية مش اي حد يعمل حاجة تعملها انت بن المسيح مينفعش يعمل ولا يقلد العالم
وَلاَ تُشَاكِلُوا هذَا الدَّهْرَ، بَلْ تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ، لِتَخْتَبِرُوا مَا هِيَ إِرَادَةُ اللهِ: الصَّالِحَةُ الْمَرْضِيَّةُ الْكَامِلَةُ. الرسالة إلى رومية2:12
لاتشاكلو هذا الدهر = منقلدش ولا نعمل زي العالم
بل تغيروا عن شكلكم بتجديد أذهانكم = تغيروا يعني تجددوا يعني تغير شكلك يعني سلوكك اللي هو بتاع العالم بتجديد افكارنا وبالقراية والبحث
لكن لو انت بتعمل زي العالم اتغير وا بقي زي المسيح
لتختبروا ماهي إرادة الله الصالحة المرضية الكاملة = لما تحاول تبقي زي المسيح هتعرف إرادة ربنا وهتنفذها وهتعرف ربنا عاوزك تعمل اي ؟
انا بشرب علشان صاحبي عازمني وانا مش بحب ازعله فين الزعل في كدا انت لما بتشرب بتختار التعب والعبودية للخطية التدخين
يعم مايكونش يزعل صاحبك بس انت تكون مرتاح
التدخين بيخليني مركز وبيعمل دماغ
لا بالعكس ده بيقلل الذكاء والتركيز بسبب نقص الاكسچين الواصل للمخ وارتفاع كمية ثاني اكسيد الكربون
والتسلية والرفاهية
ازاي يعني التدخين تسلية او رفاهية
رفاهية انك تسعد نفسك مش تضرها وتخسر فلوس
وازاي تسلية وانك بتقضي وقتك في سيجارة ملهاش لازمة
المدخن مش بيقدر قيمة الفلوس او المصروف الكتيير
هو مش عارف قيمتها علشان كدا عمال يدخن ويصرف فلوسه ومش عارف ان في ناس مش لاقية الفلوس اللي بيصرفها علي التدخين او مثلاً لو هو بياخد مصروف مش عارف ازاي ابوه بيتعب علشانه علشان يجيبله الفلوس دي
الشعور بالفرح او الخروج من الاكتئاب
انت لما تكون متضايق بتشرب علشان تحس بالفرح والاحساس ده بيختفي لما تخلص تدخين وتكون عاوز تشرب تاني علشان الاحساس الفرح المؤقت (الوقتي) بيخلص لما تخلص تدخين وبالتالي تكون مدمن
انا بشرب علشان تخفف عن الهم والمشاكل
ده كدا بتزود المشاكل زي في الصحة والفلوس والصحاب وكمان بدل ما تشربها علشان تخفف المشاكل حلها انت مش تزودها
لاَ تَهْتَمُّوا بِشَيْءٍ، بَلْ فِي كُلِّ شَيْءٍ بِالصَّلاَةِ وَالدُّعَاءِ مَعَ الشُّكْرِ، لِتُعْلَمْ طِلْبَاتُكُمْ لَدَى اللهِ. وَسَلاَمُ اللهِ الَّذِي يَفُوقُ كُلَّ عَقْل، يَحْفَظُ قُلُوبَكُمْ وَأَفْكَارَكُمْ فِي الْمَسِيحِ يَسُوعَ. الرسالة إلى فيلبى7-6:4
معلمنا القديس بولس الرسول بيقول ان احنا منهتمش بحاجة ولو في مشكلة نصلي وندعي ان ربنا يحلها ونشكره كمان
وربنا سامع طلباتك ومشاكلك وانت لما تصلي ربنا هيعطيك سلام انك تبقي معاه ومش هيكون فكرك خالص في المشكلة
انا بشرب علشان ابقي روش او شبح قدام صحابي او البنات
مش علشان تبقي روش او شبح تضر نفسك وصحتك وفلوسك وصحابك
فكرة انك تبقي روش او شبح فكرة وحشة انك بتصنع واحد مش انت بالبلدي كدا انت مش علي حقيقتك
نتائج التدخين
اضطرابات نفسية تحس انك خايف ان حد يشوفك انك بتشرب
اضرار صحية وهتخسر فلوسك
يعني دلوقتي السيجارة ب8 ج والولاعة او الكبريت 5 وكمان ممكن الولاعة تخلص فتجيب واحدة كمان يبقي كدا 10 ج
8×30 +10 = 250 ج
وده حسبة انك بتشرب سيجارة واحدة في اليوم
يعني ممكن بدل ما تصرف فلوسك في سيجاير مثلاً تحط جزء ف العطي وجزء تحوشه او تاكل او تشرب بيه
وهتخسر صحاب
هتضر البيئة من دخان ثاني أكسيد الكربون وكمان ممكن تضر صحابك وقرايبك بسبب الدخان
نصايح
متمشيش مع حد بيدخن
هو هيحاول يقنعك بالتدخين وكمان انت هتتعرض لأمراض التدخين مع انك مش بتشرب وممكن يكدب (شهادة زور ) انك بتشرب وانت في الحقيقة مش بتشرب
ولو عرفت ان صاحبك بيشرب استر عليه وقوله انه ماشي في سكة غلط بس متشيش معاه
لو مدخن حاول تشرب في حته بعيدة عن الناس
مش مدخن ابعد عن الناس اللي بتشرب
السؤال مهم هنا لو انا بشرب ازاي ابطل ؟
حاول تصلي و تطلب من ربنا انك عاوز تبطل الحاجة دي
اعترف عليها وخلي اب الاعتراف يقولك علي قانون روحي يخليك تبطل التدخين
حاول تقلل مرات التدخين
مثلا لو بتشرب تلات مرات او اربعة في اليوم حاول تخليها مرة او مرتين في اليوم ولو مثلاً بتشرب كل يوم خليها يوم اه يوم لأ كدا وحاول تبعد عن الصحاب المدخنيين
لما بتتحارب بالتدخين حاول تقول الآية دي
وانك ربنا عارف انك ضعيف بس المهم انك بتحاول تقاوم بالمسيح ضد التدخين او اي كانت
ولو جربت قبل كدا ومشرتش تاني اعترف عليها
أَسْتَطِيعُ كُلَّ شَيْءٍ فِي الْمَسِيحِ الَّذِي يُقَوِّينِي. الرسالة إلى فيلبى13:4
#الحروب الروحية
موضوع جميل، إستمر في نشر الأفكار الرائعة
