المطر المتأخر

(فقرة كتابية عن الرجاء)

هل ربنا متأخر عليك ؟
انهارده كان فيه معموديه.. فوجئت بهجوم من الطبل والزغاريد بطريقة شديده جداً وشعرت إن البلد كلها جايه وراء الطفل المتعمد .!!
سالت ليه كل ده ؟
أجابت الجدة : الطفل ده جاى بعد 17 سنه من محاولات حقن مجهرى كتير وأخيراً ربنا رزق ابني بحمل طبيعي ....
*** وهنا وقفت امام عيني الآية القائلة :
*الَّذِي يُعْطِي الْمَطَرَ الْمُبَكِّرَ وَالْمُتَأَخِّرَ فِي وَقْتِهِ*
*( ارميا 5: 24)*

+ آية غريبة فعلاً كنت بأستغرب منها ... *ازاي يارب يبقي المطر مبكر او متأخر وفي نفس الوقت في وقته…؟!??*
+ في ناس مطرها مبكر* ...
يعني ربنا بيديها كل حاجة بدري ... مبيبقاش فيه في حياتهم *فترات انتظار طويلة* ... مابيستنوش شغل او ارتباط او خلفه..
ايقاع حياتهم ماشي عادي او سابق غيرهم ؛ بس ده ممكن يكون بالنظرة البشرية ؛ *بس بالنسبة لربنا ده وقتهم* ... ده معاد مطرهم…!!!
+ ناس تانية مطرها متأخر* ...
يا اما متاخرين في حاجة واحده أو متأخرين في كل حاجه ... *حاسين ان اغلب سنينهم عايشينها في انتظار طويل* ... دووول بقى مطرهم متأخر....??
+ بس المطر المتأخر ده يمكن بيجي *متأخر شوية في نظرنا ... وبيجي فجأة ... لكن بييجي بفرحة ... بييجي بغزارة* ... بيقعد فترة طويلة يمطر عشان يعوض جفاف الارض والنفوس ... وكأنه بيقولهم انت كنت تستحق سنين الانتظار دي ... انا يمكن مطر متأخر ... بس هو ده وقت مطركم…!!!??
+ لو مطرك متأخر في حاجة او في كل حاجة ... انتظر بثقة وايمان ميعاد مطرك من ربنا فهو الذي يعطي بسخاء و لا يعير …فسَيُعطى لك
بس خليك واثق في مواعيد الله…!!! ?

مش معنى ان ربنا اتاخر عليك .. يبقى انت مش على باله
طب ماهو اتاخر على لعازر حبيبه .. وفى الاخر جاله

شارك الفكرة مع خدام آخرين ✨

685

** لا توجد تعليقات على هذه الفكرة..