الموضة الغلط

(فقرة كتابية عن الشباب)

شيوخ اسرائيل ( كبارات البلد يعني) رايحين بكل بجاحة يكلموا صمويل النبي و يقولولو:
بنقولك ايه انت راجل عجزت و عيالك طالعين فسدانين ومش طالعينلك، انت تشوفلنا ملك يملك علينا كسائر الشعوب!

صمويل النبي اتضايق و راح يكلم ربنا، ربنا يقولو: اسمعلهم ، دول حتى رفضوني اني املك عليهم وانت كمان رفضوك يا صموئيل ، بس نبههم انهم هيتبهدلوا

و صمويل النبي يكلم الشعب ويقولهم : طالما عايزين ملك
فا اعرفو الاول الملك هيعمل فيكم ايه: ورقة و قلم و اكتب معايا يا شيخ منك ليه:

يأخذ بنيكم ويجعلهم لنفسه لمراكبه وفرسانه فيركضون امام مراكبه.
هتسيب عيالك يتمرمطوا عادي يعني؟؟

ويجعل لنفسه رؤساء الوف ورؤساء خماسين فيحرثون حراثته ويحصدون حصاده ويعملون عدة حربه وادوات مراكبه.
كفاية كدة وله اكمل؟

خد التقيلة دي بقى..
وياخذ بناتكم عطارات ( هيرشو عطور ) وطباخات وخبازات.
تمام يا عم؟؟ راجل انت كدة!!؟??

وياخذ حقولكم وكرومكم وزيتونكم اجودها ويعطيها لعبيده.
مبسوط انت كدة؟؟

و يعشر( ياخد عُشر) زروعكم وكرومكم ويعطي لخصيانه
وعبيده.

وياخذ عبيدكم وجواريكم وشبانكم الحسان وحميركم ويستعملهم لشغله.
دا انت هتتذل !؟ عادي!؟

ويعشر غنمكم وانتم تكونون له عبيدا.
اوبااااا جامدة دي!!
اكيد هيرفضوا

هاااا قشطة كدة تمام!!؟ موافقين تتمرمطوا كدة انتو و عيالكم و ستاتكم و بناتكم!!؟

الكتاب يقول :
فابى الشعب ( بمعني رفض الشعب) ان يسمعوا لصوت صموئيل وقالوا لا بل يكون علينا ملك. فنكون نحن ايضا مثل سائر الشعوب

يالهوي؟ دول وافقو!!
يا زين ما اخترت
شعب مش عاجبة قيادة ربنا فا عايز يمشي عل الموضة و عايز حد يتحكم فيه!??

و لبس الشعب في شاول بن قيس!!?

نتعلم ايه من الموضوع دا يا حلوين!!؟
انت تسكت و تبطل تبص حواليك وتحط التاتش الاحمق بتاعك و تعدل علي الحياة الي ربنا عايزك تحياها في كرم وعز و احترام و معيه

ليه تطلب تتحط تحت حكم انسان وانت خارج من ارض مصر بمعجزة و ذراع قديرة!
نسي الشعب ذراع الله القديرة وطلب ان يُحكم من انسان!!?

داوود بقي كان ناصح و اخد باله من الموضوع بقى في المستقبل و يقول:
قد ضاق بي الأمر جدا. فلنسقط في يد الرب، لأن مراحمه كثيرة ولا أسقط في يد إنسان».

ارجوك سيب ربنا يسود عليك بطريقتة
متطلبش مشيئتك
متبصش علي اي حاجة حواليك و تأكد ان اختيارات ربنا ليك هي الافضل

شارك الفكرة مع خدام آخرين ✨

653

** لا توجد تعليقات على هذه الفكرة..