مش فاهم قصد ربنا

(قصة عن الإيمان)

كان في شاب بيحب ربنا أوى أوى
- قال لربنا : يارب أؤمرنى أعمل أى شئ إنت تطلبه منى لأنى بحبك أوى.
- رد ربنا وقالو : فى صخره كبيره قدام بيتك كل يوم الصبح إدفعها بكل طاقتك!
- قالو : حاضر يارب بسيطه أوى.

وبقي كل يوم الصبح يزق الصخره.. كل يوم لمده سنة.. الصخره كبيره أوى مش بتتحرك ولا سنتيمتر واحد.. جه إبليس بعد سنه قالو : إنت يا اهبل! ايه اللى بتعمله ده؟!
قال له: بنفذ وصيه ربنا.
رد ابليس وقاله: وهو فى حاجه بتتحرك أصلا؟؟ الصخره زى ما هي.. بطل هبل.
سمع لكلام ابليس وبدأ يخف.. بقي كل اسبوع أو كل شهر يزقها مرة..

جه يسوع ظهر له وقالو : عملت ايه؟ يا ترى سمعت كلامى؟؟
قالو معلش يارب.. أنا فضلت سنه بنفذ كلامك، بس لقيت مفيش فايدة.. مفيش حاجة بتتغير، فبطلت بقي كل شهر او لما افتكر..

رد يسوع وقالو: ومين قالك إن مفيش تغيير؟! تعالى بص فى المرايه واخلع القميص.
بص فى المرايه.. لقى جسمه متغير أوى وكله عضلات.
رد يسوع وقال : التغيير مش فى اللى قدامك ..التغيير بيحصل جواك.

+ كلمه ربنا اللى بتقراها.. يمكن مش فاهمها، أو حاسس انها مش بتفرق.
بس كل كلمه وآية بتكون شخصيتك .. و هييجى وقت وتفهم.

وعندنا الكلمة النبوية ، وهي أثبت ، التي تفعلون حسنا إن انتبهتم إليها ، كما إلى سراج منير في موضع مظلم ، إلى أن ينفجر النهار ، ويطلع كوكب الصبح في قلوبكم
(2 بط 1 : 19).

موضوعات مرتبطة بالفكرة :
#الطاعة

شارك الفكرة مع خدام آخرين ✨

851

** لا توجد تعليقات على هذه الفكرة..