إضافة للمفضلة

استخدام الفكرة

إبلاغ عن مخالفة

ماركو برسوم
2024-05-16

كيف حرقت يوستينا الشياطين؟

(سيرة قديس عن الصلاة)

الشهيده يوستينا دي كانت بنت جميله أوي واموره
وفي امير حبها وحب يتجوزها
عمل المستحيل
قالت له لا انا عروس للمسيح
فراح الامير لأقوى ساحر في البلد كلها
قال له انا عاوز واحده اسمها يوستينا
عاوز اتجوزها وهي مش راضية تبص في وشي
قال له بسيطه، إديني كام يوم وانا هجيبلك أحلى هدية
هخليها تجيلك بنفسها لغايه عندك
فراح الراجل حضر الشياطين بتاعته وبعتهم ليوستينا
وكل ما الشياطين تروح عند يوستينا يلاقوها بتصلي
والشياطين ماقدروش يقربوا من المنطقه اللي
فيها يوستينا لان صلواتها كانت بتحرقهم
فرجعوا له تاني، قال لهم يعني ايه؟ يعني ايه مش قادرين عليها
- فقالوا له صلواتها بتحرقنا..
- يعني ايه صلواتها.. هو في اقوى منكم؟
- قالوا له لا طبعا.. ده احنا اقوى حاجه
- قال لهم طيب ما انتوا الالهه بتاعتي.. اتصرفوا هاتوها
يحاولوا.. هيموتوا.. مش قادرين يجوا ناحيه المنطقه بتاعت يوستينا
تخيل ان انت لو بتصلي والمنطقه كلها محروسه بصلواتك (مش البيت) المنطقه..
المهم ايه .. الشياطين حاولت مرات وبعدين قالت له مش قادرين..
فقال لهم ايه ده؟ انا هسيب السحر كله وهشوف ايه الحكايه بتاعه يوستينا دي..
قالوا له لا لا لا لا.. هنجيبها لك ..
فالشياطين قالوا احنا نشوف واحد مننا يعمل نفسه يوستينا
ويدخل على الأمير كأنه يوستينا
ولما يروح مع الامير يلبسه وللا حاجه.. وخلاص خلصنا من المشكله دي بلا وجع قلب
فالمهم، الشيطان اللي عمل نفسه يوستينا دخل على الأمير كبريانوس كدة
خلاص بئا جايبين له يوستينا
فالأمير لما شاف يوستينا قال سيدتي الاميره يوستينا
أول ما نطق اسم يوستينا الشيطان اتحرق اتبخر
والشياطين قعدت تصرخ من اسمها بس
فراح كبريانوس لما شاف الحكايه دي ساب كل حاجه
وحرق كتب السحر وراح يتعلم من يوستينا ف ودته للاسقف
اتعلم منه وبعدين عمده وبعدين اترسم كاهن
وبعدين اترسم اسقف
وأخد القديسة يوستينة وأقامها رئيسة على دير للراهبات
وبعد كدة بقى الشهيد كبريانوس والقديسه الشهيده يوستينا..

شارك الفكرة مع خدام آخرين ✨