إضافة للمفضلة

استخدام الفكرة

إبلاغ عن مخالفة

ماركو برسوم
2022-11-26

أمام التليفزيون

(قصة عن الطهارة)

فى يوم كان الأب جالس مع ابنه الصغير أمام التليفزيون. جه منظر وحش فقام الأب طفى التليفزيون ، الولد سأله: ليه يا بابا قفلت التليفزيون ؟ فقال: علشان يا حبيبى لما الحاجات دى تدخل البيت بابا يسوع بيخرج على طول. تحب أشغل و بابا يسوع يخرج ؟و لا أطفى و بابا يسوع يفضل فى البيت ؟ الولد قال : اطفى أحسن . مر كام يوم و كان الولد و أخته قاعدين يتفرجوا على التليفزيون لوحدهم و فجأة جه نفس المنظر اللى جه قبل كده فقام بسرعة و طفى التليفزيون راحت اخته زعقت له و قامت ولعت التلفيزيون .. و هو يطفى .. هى تولع ! .. و هو يطفى ! .. هى تولع ! و فضلوا على الحال ده كتير لحد لما الولد قال لاخته : لو مش علشان خاطر التليفزيون مايتحرقش يبقى علشان خاطر بابا يسوع اللى نفسه أتقطع طالع داخل طالع داخل.

من احب طهارة القلب ، فلنعمة شفتيه يكون الملك صديقه ( أمثال 22 : 11 )