كاميرة مراقبة

(قصة عن الأمانة)

شاب فى ثانوى ، كان المدرسين بيشكوا منه لعدم المذاكرة .. فأبوه قرر يشتري كاميرة مراقبه ويحطها في اوضة ابنه. وقال له: انا مش هفضل قاعد معاك 24 ساعه بس الكاميرا دي هتسجل ليا يومك كان ماشي ازاي .. الابن اضطر يذاكر بجديه لان فيه فى أوضته كاميرة مراقبة . وبدأ المدرسين يشعروا بتفوقه .. مرت سنة في سنة والأبن خلص مرحلة الثانوية ودخل كلية من كليات القمة
في الوقت ده أبوه راح جاب الكاميرا وقال: دي مجرد كاميرا ملزوقه علي الحيط ومش بتسجل ، لكن وجودها قدامك كان مخليك بتذاكر بجديه علشان ترضيني .. بس ده في الاخر عاد عليك بفرح ومستوي تعليمي تفتخر بيه دايما ..

لو عرفنا دايماً ان ابونا السماوي شايف احنا بنعمل ايه ، اعتقد هنعمل كل اللي يرضيه .. لكن احنا للأسف سبب خطايانا اللي بنعملها اننا بننسى انه شايفنا ..
بنتكسف نعمل الغلط قدام الناس .. لكن بينا وبين نفسنا عادي
ليس مكتوم لن يستعلن ولا خفي لن يعرف ( مت 10 : 26)

شارك الفكرة مع خدام آخرين ✨

1423

** لا توجد تعليقات على هذه الفكرة..