إضافة للمفضلة

استخدام الفكرة

إبلاغ عن مخالفة

ماركو برسوم
2021-07-19

بين الصراحة والوقاحة

(مقال عن المحبة)

بين الصراحة والوقاحة

خد الكلام على نفسك ، مش على فلان الفلاني !!

فى ناس بتخلط بين الصراحه والغشم ..وتلاقى النوع دا يفتخر ويقول أنا بقول للأعور أنت أعور فى عينه !!!.. الصراحة فن ولها أسس ...أولها ..أنك مش من حقك تقول رأيك صراحتاً فى جميع خلق الله ..!! أنت كدا متبقاش صريح تبقى حشري ..رأيك تقوله للناس اللى يخصوك فقط ..بينك وبينهم دالة محبة ...وحتى دول مش كل الموضوعات مسموح لي أكلمهم فيها ...الحاجه التانيه ..الصراحه مش شيك على بياض تقول أي لفظ مهما كان جارح ..نقي الفاظك ..لأن الصراحه بلفظ جارح وقاحه وأهانه ...معقوله هتكسب الناس بإهانتهم ؟؟!!! كمان إختار الوقت والمكان المناسب ..علشان تشرح الموضوع من كل جوانبه وتديه حقه ...ومتصارحش واحد فى أزمه أو ورطه لأن دا مش وقته ...واحد لسبب ما إبنه أصيب فى حادثه وف حاله خطيره معقوله دا وقت مناسب أنك تأنبه انه هو السبب ؟؟!!! دا مش وقت الصراحه دا وقت الإنقاذ ..أنقذه الأول وبعد كدا صارح وأعتب بلطف ..واحده أشترت بلوزه جديده وعجباها جداً وبتاخد رأيك ..والبلوزه بصراحه ذوقها زى ذوقي أنا بالظبط فى اللبس كدا ..زباله .. !! هل من المناسب هنا أنك تعبرى بمنتهى الصراحه أن البلوزه بايخه ومش لايقه عليها ..؟؟!! ما خلاص أشتريتها ..أنتى صدقتى أنها بتاخد رأيك ..؟؟!! كانت سألتك قبل ما تشتريها ..!! دى عايزاكى تفرحى لفرحها ..إسعديها بكلمه معتدله ..متأ?وريش وتبالغى فى وصف روعة وجمال واستايل ولون وخامة وسعر البلوزه لأن دا رياء رخيص وغش ...قولى كلمة مجامله لطيفه كداع الماشي ...والصراحه كمان محتاجه مقدمه ..دايماً الصراحه تقيله وبتؤلم ..أعمل مقدمه الأول تؤكد بها على عمق المحبه بينك وبين الشخص اللى هتصارحه ..ولاحظ عينيه وتعبيرات وشه او نبرة ردوده لو لقيته أخد الاسلوب الهجومي فى الكلام لا تصارحه لأنه غير مستعد ...فى ناس لئيمه قلوبها بتكره يحبوا يقللوا من اللى قدامهم فيستخبوا ورا الصراحه...!! يهينك ويحتقرك بدعوى الصراحه ..!!! عموماً قلبك هنا هو المقياس ...أنت بنفسك هتحس هو بيكلمك بصراحه حباً وخوفاً عليك ولا تشهير وكراهيه وإنتقام ..!!! كمان العيوب الطبيعيه اللى فى الناس مش مجال للصراحه ..واحد أحول هل من المعقول أقوله أنت أحول ؟؟! طيب وبعدين ؟؟! المفروض هو يعمل أيه يعني ؟؟! العيوب الطبيعيه خارج نطاق الصراحه .. عموماً .. لو أنت مش بتختار الوقت والمكان والشخص والمقدمه والأسلوب اللى تصارح بيه تبقى أنت شخص غشيم ...يلا نهاركم جميل ..بصراحه مليانه محبه ??????

شارك الفكرة مع خدام آخرين ✨