كلامه الحلو أنقذه

(قصة عن اللسان)

الراجل ده اسمه جوان Juan .. بيشتغل فى مصنع تجميد و توزيع أسماك .. فى يوم بعد ميعاد انصراف الموظفين دخل غرفة التبريد الفريزر و لكن فى لحظة اتقفل الباب عليه و اتحبس جوة ، الموظفين كلهم كانوا إنصراف و مفيش اى مجال ان حد يساعده ، و رغم انه عارف ان اى محاولة للنجدة ها تفشل ، صرخ بأعلى صوت و فضل يخبط على الباب بكل قوته دون جدوى . بعد 5 ساعات كان على وشك الموت ، دخل واحد من الجماعة بتوع أمن المصنع و فتح الباب و أنقذه ! وبعد ما الموقف عدى و الراجل طلع بالسلامة. سألوا الحارس : هو انت ازاى عرفت ان فيه حد جوة الثلاجة ؟
الراجل قالهم : أنا بشتغل فى المصنع دة بقالى 35 سنة ، مئات الموظفين بيدخلوا و يخرجوا ، لكن كلمة صباح الخير و سلام .. اشوفك بكرة اللى بيقولهالى الرجل دة مختلفة .. لأنه ببساطة من الناس القليلين اللى بيتعاملوا معايا على انى بنى آدم !! النهاردة بعد ساعات العمل افتكرت انى ما سمعتش الراجل دة و هو بيسلم عليا و هو مروّح ، فعرفت ان فيه حاجة غلط ، فضلت ادور عليه فى المصنع كله لحد ما فتحت الفريزر و لقيته !

اتبعوا السلام مع الجميع ( عبرانيين 12 : 14 )

تدريب : تكلم اليوم بكلام يفرح من حولك.

شارك الفكرة مع خدام آخرين ✨

607

** لا توجد تعليقات على هذه الفكرة..