زعرورة تقدم أجمل شرح لعيد الغطاس للأطفال

(اسكتش عن عيد الغطاس)

اعرفكم بنفسي
انى زعزوعه
جيت النهارده اهنيكم بعيد الغطاس
طبعآ هاكل قلقاس بالليل زيكم بعد القداس
ومحدش يقولى لو مكلتيش تصبحى من غير راس
اسم العيد ايه تانى كده يا ولاد
عيد الغطاس
اصل المسيح له المجد نزل فيه ميه نهر الاردن واتغطس علشان لما نقلده نتولد ولاده جديده من المعموديه
قالش الميه ساقعه كفايه نرش ميه؟ مقالش
قالش طيب نجيب طشت صغير عشان منغرقش ؟مقالش
وانت ياخويا محموق ليه كده
اصل الكتاب المقدس بيقول ولما صعد من الماء
يعنى كان جوه الميه متغطس
عارف انت ليه اتغطس
اقولك انى وابسطهالك
عمرك شفت حد بيصبغ جلابيه وهو بيرش عليها الصبغه من بعيد واللا بيغطسها فى الصبغه وينقعها
شكلك فافي وعمرك ما شفت صبغه
طيب عمرك شفت حد بيدفن ميت وبيرش عليه شويه تراب من غير ما يدفنه جوه القبر
معموديتنا موت ودفن وقيامه مع المسيح له المجد
مدفونين معه فى المعموديه
عارف انت كل اللي كانوا واقفين فى الطابور فكروا اللى اسمه يسوع وواقف وسطهم ده خاطى زيه زيهم ومستنى دوره علشان يعترف
لكن الاب شهد بقداسه الابن وكأنه بيقول اوعى تفكره خاطى منك له
هذا هو ابنى الحبيب الذى به سررت
وجه الروح القدس وقف علىه علشان الناس ما تتوهش هو الصوت اللى سمعناه ده عن مين
كل سنه وانتم طيبين وكل غطاس وانتم معيدين "سالي"

شارك الفكرة مع خدام آخرين ✨

هذه الفكرة منقولة من : سالي

1551

** لا توجد تعليقات على هذه الفكرة..