ملح وسكر

(قصة عن اللسان)

من كام يوم كنت معزوم عند صديق ليا، وبعد ما زوجته حضرت السفرة على أكمل وجه، بدأنا نمد ايدينا على الأكل اللي كان شكله يشرح القلب.. لكن للاسف، كل لما ادوق صنف يطلع طعمة سئ جدا وغريب، لحد ما لحظت وجت تدوق بنفسها. اتكَسَفِت جدا وجريت على المطبخ وخرجت بكيسين: كيس ملح وكيس سكر مطحون. الإتنين شبه بعض وميتفرقوش عن بعض.. بقولها: انتي دوقتيه؟! قالتلي: لو دوقته مكنتش قدمته..

صديقي..
مشكلتنا اننا مبندوقش كلامنا قبل مابنقوله..
كام علاقة كبيرة انتهت بسبب كلمة !
وكام ناس خسرت بعض بسبب كلمة !
فكر في تأثير كلامك على اللي قدامك ..
جرب تدوق طعم كلامك قبل ما تقدمه للناس.. ماتتسرّعش!
هتلاقي نفسك عرفت تميز بين السكر والملح
هتلاقي نفسك بقيت شيف شاطر في طهي المحبة
المثل بيقولك وجع البطن ولا دلق الطبيخ !
لا ده انا ادلق الكلام كله (ما اقولهوش) ولا أوجع قلب اللي قدامي

كلمات فم الحكيم نعمة وشفتا الجاهل تبتلعانه.
(سفر الجامعة .1: 12)

شارك الفكرة مع خدام آخرين ✨

792

** لا توجد تعليقات على هذه الفكرة..