ليه ربنا بيتأخر؟

(فقرة كتابية عن محبة الله لنا)

لو طلعنا الفردوس وسألنا السامرية هو ليه المسيح جالك بعد الراجل رقم 6 مش بعد رقم 1 او 2 ؟!
هتضحك و تقول ده ربنا كان عاملها مظبوط و حاسبها بدقة جديدة ، لو كان جه قبل كدة . كان يمكن اكون لسة عايزة ارجع للخطية تانى و اشتاق اكتر !

و لو رحنا للمخلع و قلناله ازاى ميأستش انه جالك بعد 38 سنه ؟!
هيضحك و يقول لا طبعاً ده انا من غيره مكنتش همشى و مكنتش هعرفه ! ده لو كنت خفيت بعد 10 سنين مثلاً كنت جريت فى الشهوات !

و لو رحنا للمولود اعمى و سألناه هو ليه ربنا اتأخر على شفائك ؟!
كان هيضحك و يقول لا ده انا بشكره لانه ياما مفتحين كتير بيشوفوا حاجات غلط !

الخلاصة
ربنا عمره ما بيتأخر ، دايما ظابطها بالثانية ، هو اقرب اليك من المقربين ! ساعات كتير مبيجاوبش لانه ساعات عقلنا البشرى مش هيستوعب الاجابة و ممكن تكون صورة من صور رده دموع على وجعنا و صمت وقتى لكن لما نطلع السما هنشكره على عدم رده ده!

لست تفهم الآن ما انا صانع لكنك ستفهم فيما بعد ?

شارك الفكرة مع خدام آخرين ✨

476

** لا توجد تعليقات على هذه الفكرة..