لا تخذل من وثق فيك

(قصة عن الصداقة)

فيه راجل راح اتبني كلب من شيلتر كلب كبير مش صغير قوي
الراجل صحي من النوم بليل لقى الكلب واقف باصص عليه كده زي الصورة الراجل كان بيحط حاجز علشان الكلب ميدخلش الاوضه
و بقى الموقف بيتكرر كل ليلة الكلب يسهر طول الليل و ينام قليل بالنهار الراجل قال يمكن لو لعب و فرهدته ينام بليل برضه الكلب فضل سهران طول الليل
راح بيه للدكتور الكلب طلع كويس جدا و صحته تمام جدا
الراجل فضل كتير مش فاهم ماله الكلب
لحد ما قرر يروح الشلتر و يسأل ايه الموضوع
اكتشف ان صاحب الكلب الاولاني لما قرر انه يتخلص من الكلب
استنى لما الكلب نام او تقريبا خدره و اخده وداه الشيلتر فا لما الكلب صحي لقى نفسه في مكان غريب مع ناس غريبه و ملقاش صاحبه
و لما راح مع صاحبه الجديد كان بيفضل طول الليل سهران لأنه خايف ينام يصحى يلاقي نفسه لوحده علشان مكنش واثق فيه
الراجل لما سمع الحكاية شال الحاجز اللي كان حاطه على باب الاوضه و خلى الكلب ينام جنبه و الكلب بقى بينام بليل من وقتها

حتى الحيوانات يمكن ان تعاني من أزمات الثقة اللي بيصنعها بعض البشر الأغبياء
متكسرش حد وثق فيك بلاش تخطفي من حياة حد بينام مطمن لوجودك بلاش تضرب حد وثق فيك و سابلك ضهره عريان

شارك الفكرة مع خدام آخرين ✨

691

** لا توجد تعليقات على هذه الفكرة..