الخادم برنابا

(درس عن الخدمة)

1. الخادم يقدم كل ما عنده بأمانة:
+ اعمال 4 برنابا باع حقل واحضر ثمنه للرسل.
+ التكريس الكامل.. و بإرادته..
+ الخادم يكون معطاء..
+ غير كثير الأعذار
+ غير كسول في خدمته
+ يعطى وقت ربنا كله لربنا..
+ لا يستخسر في ربنا شيء..
+ وهو بيعطى لا ينتظر المقابل..

2. الخادم صانع سلام:
برنايا صن سلام من جهة شاول ، وطمأن الرسل من جهته .. وقال لهم كيف رأي الرب يسوع في طريقه الى دمشق..

3. الخادم غير نفسانى
+ برنابا أحضر شاول إلى المقدمة، ورجع هو للوراء.
+ الخادم يصنع صف ثانى.
+ الخادم لا يسعى للظهور والقيادة، مثل فكر العالم.

++ لو عايزين الولاد يحترمونا ، ويسمعونا: لازم نكون روحانيين. روحانيين. روحانيين.

++ الخادم لازم يكون ماء عذب، ليس بحر مالح
+ يعطي ولا يأخذ..
+ يروى السامع..
+ يكون من جوة زى من برة..
+ يبدأ الإصلاح من جوة.. مش يبدأ من الخارج للداخل..
+ الخادم غير مرائي.. ربنا يسوع قال 8 ويلات للكتبة والفريسيين المرائيين..

+ الخادم يوبخ الشر..
لا يسكت لما الولاد يقولوا له على غلطاتهم..
لكن يوبخ بروح التوعية وبمحبة..
يحتفظ بتواضعه اثناء التوبيخ
لا يشهر ولا يهين..

+ شغلانة الخادم طول الوقت يصالح الناس على ربنا..
+ في المصالحة لازم اوصل رسالة : ان ربنا مينفعش نخاصمه..
+ وفي نفس الوقت: انا حاسس بيك.
+ لكن لا اعوم على عومه واوافق على فكرته في الزعل من ربنا..
+ الخلاصة.. لازم نعلى عن المستوى النفسي للخدمة، للمستوى الروحى الثابت المؤمن بربنا.. حتى لو مكنتش فاهمه..
+ دايما نحتاج حكمة .. نصلى كتير جدا ، ونطلب من ربنا ، عشان ربنا يرشدنا امتى نتعاطف.. وامتى ننصح..

+ الخدمة مش نشاط افقى لكن رأسي..
+ مش كمية كبيرة من الرحلات والانشطة اللى توصل الناس ببعض (أفقى) .. لكن لازم يتواجد البعد الروحى.. اللى يوصل للسما (رأسي)..
+ تكون الخدمة كدة على شكل صليب.. جانب افقى وجانب رأسي..
+ ازاى اختبر وجود البعد الرأسي؟ لو قلت للولاد على عمل روحى، هنحضر قداس.. او هنحجز معاد اعتراف.. كام واحد هييجي؟

الخدمة المريضة
+ بلا صلاة.. الخادم موظف بيعمل شغل.. مش بيصلي.
+ بلا جودة.. ان الاجتماع يكون وقت ضايع غير مفيد.
+ بدون هدف و خطة.. هدف قريب وهدف طويل المدى.. وخطة واضحة قابلة للتنفيذ، توصل لهذا الهدف..
+ اختلاط الأدوار.. كل خادم يبذل جهده في إطار حدوده ومكانه.. لو فيه اختلاف، نصلى ونتكلم مع المسئول ، ولو أصر على رأيه ، ناخد بركة الطاعة..
+ غير ولادة.. نجهز صف تانى..
+ بتقسم المخدومين إلى فئات ، والتمييز على اسس اجتماعية او عقيدية او حسب الشكليات..الخ.
+ نقص المهارة في التعامل مع الحالات الخاصة.. مثل حالات التفكك الأسرى.. الانحرافات.. تحت اشراف اب كاهن.. دورنا تقديم الحنان والاهتمام.. وابونا يكمل في الاعترافات والتناول..
+ ان نشارك المخدومين مشاكل الخدمة.. أو الخلافات بين الخدام.. ولو حد عنده خلاف مع حد وجاب اطراف من برة، يبقى معندوش نية الحل.. بيكون عليز ينتصر فقط..
+ عدم عمل اجتماع لأولياء الأمور.. نوصل لهم شكوى الولاد.. ونحاول نوصل احتياجات الولاد.. هدفه ان الأهل يفهموا ولادهم من خلال ما يوصله لنا الولاد.
+ مفيهاش عمل جماعي.. كل واحد ماسك جزء منفرد بيه.
+ غياب التنسيق بين القطاعات المختلفة..
+ فيها تمسك بالفكر الخاص..
+ تسيء معاملة المخدومين.. الانتهار والطرد والسخرية والتنمر..الخ.
+ تجريح اخوة الرب من المخدومين.
+ غياب التواصل الاجتماعى بين الخدام..

__________________
قدس ابونا يوسف سمير
اجتماع خدام ثانوي
كنيسة الشهيد ابانوب الغردقة.
السبت 14 اكتوبر 2023

شارك الفكرة مع خدام آخرين ✨

914

التعليقات :

ماركو برسوم 2024-01-14
تعيش وتعلمنا يا قدس ابونا